Goodbye australia

Sonntag, 09.06.2013

nach 86 Täg mues i ds schöne land leider widr vrlah. auerdings nime i abr gaaanz viu guet erinnerige u erläbnis mit. :-)

da d zyt am schluss eher chli knapp isch worde wirde i de dr blog ir schwiz no chli nachefüehre :-D auso iz mues i no di letschte paar stung hie in sydney gniesse u när hüt abe de iz flugzüg stige. u morn (mändi) am 1 am mittag heissts de widr hello switzerland :-) resp. züri ^^

BIS GLI <3

cairns, tablelands nd cape tribulation

Montag, 03.06.2013

tablelands nd fig treemilla milla fall mila mila fall nd an other waterfall in the tablelands moosmann george moosmann george moosman george 2 crocs scareface the 4.5m long crocodile nd mangroves ussicht am cape trib

wonderful magnetic island

Dienstag, 28.05.2013

our bungalo wildlife wildlife 2 koala koala hug snake....phyton papageie u dr weg zu üsem bungalo beach by sunset love <3  wallabis....they came while we were eating breakfast  island walk

Magnetic Island was one of our highlights <3. it was amazing :-)

tropisches townsville u vrgäblechs warte uf schiudchrötli

Freitag, 24.05.2013

nachere 5h fahrt vo airlie beach nach townsville si mir mitere gwüsse vrspätig acho. z backbacker wo mir buechet hei isch super gsi u mir hei mau chönne wösche ;-) mues haut ou si. townsville het viu auti geböide u e schöni strandpromenade. üs isch e ort gseit worde wo me söt schiudchrötli gseh abrmir hei meh aus e haubstung uf zmeer usegstarrt u es si eifach keni uftoucht..eh ja me cha nid imme glück ha ;-) temperatur mässig isches abr super warm gsi. wo mir usem bus usgstige si hets s fasch erschlage 27grad u ca 97%luftfüechtigkeit. wow. mir si i de trope!

Airlie beach nd whitesunday

Donnerstag, 23.05.2013

Nach däm mir di längi busfahrt vo Bundaberg nach Airlie beach überstande hei hei mirs abr a däm tag e chli gmüetlech gno. Mir hei glück gha ds trotzdäm ds mir scho am 7itschegget hei im backpacker hei mir scho üses zimmer chönne bezieh u drum si mir haut no für es paar stündli chli ga lige u när a starnd. Da mir säuber hei weue choche hei mir üs no uf d suehi nachem ne supermarkt gmacht. Blöderwiis het zyt agab nid ganz gstumme u mir hei ca 50min müesse loufe. Ds wär eig nid so schlimmm  gsi abr blöderwis het mis handy glütet wo mir im supermarkt si gsi u si hei üs mitteilt ds üse whitesunday trip vom nächschte tag wege zweni lüt canclet isch worde. Ds isch zwar sehr schad gsi abr s wär eigentelch nid soo es problem gsi. Nur leider isch scho 6si am abe gsi u mir hei bis zum nächschte travelagency no min 40min müesse loufe…. U öbme de den ( 18.40) no e trip füre nächscht tag cha bueche isch unklar….. glücklecherwis hei mir no es büro gfunde u nach längerem umetelefoniere ouno e schiffscompany chönne erreiche u buech. So si mir de am nächschte tag ab uf zschiff id whitesundayJ dcrew ische chli spezieu gsi abr dr trip schön. Zersch simr ufnes chlises bärgli gange für d ussicht (wunderschön u atemberoubend) u när de id whitehaven beach wos dr wiisischt sad vor wäut söu ha. Isch echt u schön gsi. Mir hei dert no es bbq gmacht u bekanntschaft mit es paarne tier gschlosse.mir hei die sehr guet gfaue abr ire schwan zisch zimlech ähnlech are peitsche u duet weh. Aschliessend si mir de no id mantra bay ga schnorchle. Da immer no stinger season isch hei mir so so neopren azüg agleit. Het lustig usgseh. Abr i mues iz säägä ds isch nid mis beste schnorchle gsi. Eh ja abr gsamthaft isches e schöne trip gsi u es isch ou schön gsi mau chli schiff zfahre anstatt bus ;-) so hei mir sogar no es paar schiudchröt gseh  :-)

einzige gross minus punkt vo airlie beach...ameisi im zimmer u zwar e ganzi strass...

airlie beach wonderful whitesunday <3 wizigi echse u whitehaven beach whitehaven beach cruise in the whitesunday

Bundabergischi Gastfründschaft u mini erschte Kängis

Sonntag, 19.05.2013

Nach Fraser island hei mir nomau ei Nacht in Rainbow Beach vrbracht bevor mir de am nächschte Mittag nachemne 2stündige sünnele am Strand mitm Greyhound witer nach Bundaberg gfahre si. Ds het ca 4h duret. Da in Bundaberg aui Backpackers scho usbuechet si gsi hei mir üs haut es Motel gleistet u ds isch e super Entscheidig gsi. Aui wo mau nach Bundaberg sötte ga..göt iz Spanish Motor Inn! Wo mir zimlech erschöpft dert si acho (hei mit au üsem Gepäck ca 45min müesse loufe) si mir sehr fründlech empfange worde u üses Zimmer isch eifach dr absolut Hammer gsi. Super Bett, wiissi weichi Badtüecher, Shampoos, Mikrowäue, Toaster ect. Isch geniau gsi ds Zimmer. Dank Toaster ect hei mir ou üses eigete Zmorge u ou Znacht chönne mache. Z Motel isch sehr sympatisch gsi mit sire spanische Bouart abr zbeste si eidütig d Bsitzer gsi. Am Morge si si üs cho sägä ds üses Zimmer nid brucht wird di Nacht u mir drum so lang mir wei chöi dert blibe u si üs de zum Bus terminal bringe. Das si scho mau super Nachrichte gsi da üse Bus ersch 19.30 losgfahre isch. Zbeste isch abr gsi ds wo si ghört hei ds i no nie es Känguru ha gseh hei si üs abotte am Namitag mit üs uf nes Grundstück ir Nächi zfahre wos wiudi Kängis söt ha. Nachdäm si ds de no es 2 mau abotte hei hei mir liebend gärn agno u so si mir de am Nami miter Frou, ere Bekannte im Outo dür dGägend gfahre. Wis so isch ( genau wie bim Euche luege...) fahrt me dür D gägend u jede drückt sini Nase az Fenstr u het zgfüu ds dert vll eis isch gsi..... Irgendwen hei mir jedoch Glück gha! E Gruppe vo 10!!!!! Kängis hei ufemne Grundstück graset. Dr Laurent u i si natürchlech gd usgstige um nes paar Föteli zmache u i ha chli e Lachafau becho wo i dene iri Gangart ha gseh. Isch u amüsant ;-) Mir si när witergfahre u di beide Ladys hei ehrlchgseit nüm soo genau gwüsst gha wele Weg mir hei gno.. Drum si mir no chli i dere Wohngägend desume kurvt u mir hei nomau Glück gha :-) s isch widr e Gruppe vo 10 Kängis isch ufemne Fäud am Grase gsi u mir hei üs bis uf ca 5m chönne aschliche! di si echt kuuuhl. När si mir de widr hei. (hei dr Weg doch no gfunde) u am Abe hei si üs de no zur Bushautesteu bracht. S isch när e längi Nacht worde. Mir si 12 h dür d Nacht ar Küste entlang ufe gfahre nach Airlie Beach.

Bundaberg Kängis spanish motor inn nd kängis

wondreful Rainbow beachu Fraser macht mi zum Widrchöier

Samstag, 18.05.2013

Am Zistimorge hets de gheisse abschids znäh vo Noosa u au üsne Kollege..bi zimli trurig drüber gsi u zWetter het gd ghufe mitgränne. Mir si när mitm Greyhound ca 4h nach Rainbow Beach gfahre u hei de dert im Hostel itschegget. Z Zimmer isch mässig gsi abr me het für dä Pris ou nid viu meh chönne erwarte. Am Entfang hei si üs abr de e Tipp gä für ne churz Wanderig u ds hei mir de ou gmacht. Zersch ca 40min düre Waud u när wo mir zoberscht ufm Hügu si gsi het sech dr Waud gliechtetu vor üs isch e riiiiiiiiiiiiise Sanddüne gsi. Isch umwerfend gsi! I ha echt scho lang nüm so öppis schöns gseh. Het mi u beidruckt :-)

the adventure begins düne smileAm nächste Tag het de üses Fraser Island Abentür agfange. Zersch si mir mitere Fähri ca 10min zur Insle gange u när aus am Strand entlang. Isch no lustig Fraser Island isch ja di gröschti Sandinsle vor Wäut u fasch di ganzi Flächi isch mit Waud odr Regewaud bedeckt. Strasse hets kenni u drum si d Wege teuwis zimlech hügelig u es cha guet si dses eim im Bus usm Sitz jagt. Drum het mi Fraser Island haut e chli zum ne widrchöier gmacht wiu mi mage isch sechs nid so gwohnt innerhaub vore Sekunde 30cm ufegjagt zwerde. Süsch het mir Fraser Island abr sehr guet gfaue. Bsunders d Wanderig düre Regewaud het mi schwär beidruckt u i hät am liebste e Teil drvo mitheigno. Regewäuder si ja sooooo schön!!!!! :-) es angers Highlight isch ou Indian Head gsi. Ds isch e Hügu ar Küste u vo dert obe hei mir Mantra Ray's (riiisigi Roche ca 3m breit) u Delfine gseh. Ds isch sehr schön gsi u ou di ganzi Ussicht vo dert obe isch schön gsi. Leider isch üse 2Tag zimlech vrrägnet gsi abr drfür dr 3. super guet (Highllight vo däm Tag isch stand-up paddeling gsi. Dr Laurent u i hei sogar e ganze See überquert). Ussert dr Regewaud u d Roche, d Delfine hei mir natürlech ouno viu anders kuhls gseh. Z.b Lake Mc Kenzie, Dingos, es paar angeri See, Champagne Pools ect.
Insgesamt isch Fraser würklech kuhl gsi. I cha Tour mit Cool Dingo nur witer empfähle! Gruppegrössi guet, Bus guet, Underkunft super!!!! Esse ou super u Tourquide vrzeut viu interessants ;-)

  stand up paddeling rainforest dingo nd cool dingo fraser island sunset fraser mäni ufm brett ;-)

Fötelis vor letschte Wuche in Noosa

Dienstag, 14.05.2013

so iz hie no es paar biudli vom letsche Wuchenänd in Noosa, my class nd friday afternoon at the beach

Mini Klass bevor i gange bi: my class befor I left

Wi gseit am Friti nami si mir wie immer ad Beach gange :-) abr ds mau ha i ou dr Föteler mitgno. De cha i öich nämlech zHobby vo de Giele vorsteue: üs igrabe^^ isch ja soo lustig ;-)sunshine beachvrbuddlet wärde isch doch immer funnySunshine beach with friendsyou're the best :-)huhu er chas ou;-) isch doch äbä wük mi brüetsch^^

Am Fritiabe hei mir no es paar Kollege zum ne Abschids bbq iglade gha u es isch eifach ungloublech gsi wie viu da si cho :-) i bi so glücklech gsi...wirde di lüt u di zyt zimlech vrmisse

<3my australia flaggoodbyeI'll miss you! was a great time<3:-) take care smile please;-)super schön wie viu si cho;-)abschids bbq mit turte!

Sunnti: Main Beach mit Sandro u Marina (carrot^^)
eigentläch hätte mir ja weue es Boot miete abr när hets irgendwie chli es gstürm gä wiu di einte plötzlech i NP hei weue u nid uf zboat. schlussändlech si mir haut de nur zviert ar Main Beach glandet. abr egau isch ou schön gsi. bsunders dr Sunneungergang...

carrot at main beachwith friends at main beach<3

am mändinami si mir de no zletsche mau a mini lieblingsbeach gange. u sisch u härzig gsi...meistens si mir eig so 4-7persone gsi abr wiu ds sozsägä üse abschid isch gsi si när no es paar meeh cho u mir hei viu spass gha:-) agfange mit nutellabrötli...

:-D;-)last time at sunshine beach

Am Abe si mir de no mit de beste Kollege ga Pizza esse. I ha eig dänkt ds sig zletscht mau woo i se wärdi gseh abr si hei när am Zistimorge aui d Schuh gschwänzt für ds si üs bim Bus hei chönne cho tschüss sägä u winke. so härzig. Abr klar den si de widr es paar tränli gflosse, Dr Abschid us Noosa isch mir sehr schwär gfaue. I ha dä Ort u ou au die liebe Lüt sehr i mis Härz gschlosse.... i hoffe sehr ds mir irgendwen d Chance hei üs widr z gseh!!!

was a great timebest friendslast evening.pizza eating presents

letschti Wuche in Noosa

Samstag, 11.05.2013

wiso nur rasst di zyt hie so vrbi? iz isch scho mini letschti Wuche in Noosa vrbi u in 3 Tag mues i dä wunderschön Ort vrlah. Sit froh ha i e Fründ ir Schwiz. Wiu we i auso hie eine gfunde hät würdi äuä no gd für nes zytli da blibe!
O die Wuche isch widr vougstopft gsi u jede Abe es Programm. Trip plane, movie night, s letschts mau Shades u de scho üses goodbye bbq. Sisch u schön gsi wie viu si cho.:-) Fötelis wärde de fouge..abr iz mues i ga u mini vrblibendi zyt no mit mine kollege vrbringe!

good bye

week 7 volles Programm

Montag, 06.05.2013

So letsch Wuche isch zimli e asträngendi gsi Zwinkernd je nöcher z Endi chunnt desto meh wotme no mache:-D Am Mändi abe ha i beschlosse mau ad Studentnight im Irish Pub zga. Isch erlächgseit für nüt gsi da ds so vou gstopft isch gsi ds i gd widr hei bi. Am Mittwuchabe isch när widr mau es Highlight gsiLächelnd I bi i nes studentehuus iglade worde u drüü Asiate hei chochet. Am Schluss hei mir 3 Houptgäng us Korea, Taiwan und Japan gha. U no es Birchermüesli u viu Dessert u Snacks. I gloubs Birchermüesli isch für si chli z exotisch gsi abr dr Abe eifach super. U wo de dr eint no d Gitarre het füregno u drzue het afah singe isches eich perfect gsi.Lachend i bii iz scho chli trurig ds i au die Lüt mues vrlah. Isch echt e super Zyt gsi hie. Am Donnstimorge hei mir e dayy off gno u si nomau chli i NP gange u am Abe si mir dewi immer id Shades gange abr wo mir ungerwegs si gsi hets widr mau afaht schiffe u so si mir de zimli nass dert acho. Wegem Rege hets nid so viu Studente gha. Am Friti hei mir az BBQ weue u abr wo mir am 9ni dert si acho isch ds ganz Park abgsperrt gsi. So hei mir üs de haut churzerhand entschlosse ds mir z dritt no chli a Strand chönnte ga. Sisch eifach ungloublech wie viu Stärne me hie gseht.
Ah u nid zvergesse mir si öpps jede Tag nach dr Schuh a Strand.Zunge raus
Am Wuchenänd si mir när am Samsti ad Sunshine Beach u am Sunnti hätte mir eigentläch a nes Musigfestival im ne Nachbarort weue ga. Leider het z Wetter üs när e Strich dür d Rechnig gmacht. Isch zimli schad gsi wiu mir hätte zersch ca 45min mitm Velo am Strand entlang chönne fahre u när e nöie Ort mit Musig erkunde. Eh ja shet niid so weue si...

your great:-);-) guitarre;-)cookingparty time

perfect sunday afternoon <3 nd saturday bike ride

Montag, 29.04.2013

da mir scho sit am Donnsti Wuchenänd hei isches es zimlech entspannends weekend worde. am Donnsti si mir eifach ar main beach ga umelige. bi jedoch e chli doof gsi wiu i kenni föteli vom Sunneungergang ha gmacht. Isch no schön gsi. Am Fritinamitag bi i de nach Maroochydor iz Shopping center gange. Wiu i ha eich mau es nöis T-shirt brucht. Maroochydor isch e Stung vo hie entfernt u da i mitm public bus bi gange ha i e richtigi sightseeing tour gha wiu dr Bus isch aus ar Küste nah gfahre.
Am Samsti bi i mitm Velo ar ganze beach entlang gfahre. Ds isch echt super gsi. U i da d beach ca 40km läng cha me eich so lang fahre wie me wot. när bi i natürlech no chli a Strand gange nachem Velo fahre.

am Sunnti si de dr Laurent u i NP gange. da mir äbä so es längs wuchenänd hei gha si viu vrreisst so ds mir mau öppis nur z zwöit ungernoh hei. isch sehr schön gsi. agfange hets mir dr absolut beste Glace vo Noosa. Die findet me bim Massimo u si isch eifach huge. När mir si düre NP glofe u im NP ad granit beach gange. die isch wie eigentläch jedi beach hie sehr schön gsi nur eifach fasch vrlasse bis uf nes paar surfer. u när wo dr Laurent no e Wassermelone uspackt het isches eich absolut perfect worde. (i cha se zwar immer no nid viiu schöner esse aus den aus chlises Ching zRodos) abr sisch eifach himmlisch gsi. Delfine hei mir leider keni gseh. si zwar no chli bim dolphin point uf d Feuse ga hocke abr mir hei leider keni gseh. Abr di Feuse hei mi sehr a Schwede erinneret. Si si zwar nid rot gsi abr süsch seeehr ändlech.
mir si när dert blibe bis d Sunne unger isch...

So iz sit dir äuä aui chli nidisch uf mi. I'm sorry abr wi dir vll wüsst ha i ou nur no 10 täg a däm wunderschöne Ort...
bike trail along the beachMangrove see..? und den NPNP walklovely afternoon with watermeloon<3:-) waves<3 granit baysurfingsunset & surfersunset

Abschidsbbq am Mittwuch

Freitag, 26.04.2013

so di Wuche hei mir 4 bbq gha wiu zimlech viu Lüt Noosa hei vrla... abr ds isch mir doch de chli zviu gsi. schlussändlech hei de ou es paar schwizer wo gange si zämä es gmacht anstatt a 2ne äbe, isch när ou zimli lustig gsi:-D u da mir am Donnsti när frei hei gha ischs ou ziiimli egau gsi wen mir hei si...

ufm letschte föteli gseht dir ou no mini klass vo letscht wuche

fun at the bbq^^crazy but i like you ;-)wish you a wonderful travel. take care i will miss you

river cruise and sunset

Sonntag, 21.04.2013

di Zyt geit hie eich rasend schnäu vrbi.. iz bi i sch meh aus 5 Wuche hie u mi dünkts i sig öppe vor 2 acho. s gfaut mir immer no super!Lachend ds Wuchenänd isch zWetter widr einisch perfect gsi u so si mir nachem scho baud traditionelle bbq am Fritiabe am Samsti de a Strand gange. Ds isch super gsi bis uf ei Wäue wo chli fräch isch gsi. die isch bis dert ufe azrusche cho wo mir glägä si u het AUES nass gmacht. Vo Händy über Tüechli, Chleider u ou mis früsch koufte Buech wo iz auso ziiimlech mitgno usgesht. Haut öppe gd so wie es durchtränkts Buech usgseht. Süsch isches abr schön gsiLächelnd Am Samstiabesi mir a Strand ga spaziere. Ds isch mis erschte Mau gsi u i vrstah definitiv nid wiso i ds nid scho früecher ha gmacht. Isch ächt romantisch gsi^^ Haut so wie me sichs vorsteut. Stärnehimu, dr Mond wo dr ganz Strand belüchtet u d Wäue wo sech regumässig überschlöh u eifach die perfekti Rueh..Lächelnd i hoffe uf ne baudigi WidrholigZwinkernd

Am Sunnti isches när mitem ne angere super Event witer gange. Mir hei es Boat ufm Noosa river gmietet u si id Everglades hingere gfahre. Ds isch e völlig angeri Gägend u es gseht eher so us wie in Finnland. Isch ächt gmüetlech gsi u i hoffe eigentläch ds mir das no mau macheZwinkernd unger gseht dir no es paar Föteli vo üsem Boat. So ruhig wies dert usgseht isches abr de nid di ganz Zyt gsi.... mir heis am Afang tatsächlech gschafft uf ne Sandbank zfahre u hei när iz Wasser müesse für z Boot widr usezschiebe. Böderwiis si mir scho zmitzt drinne gsi (fraget mi nid wie mir dert härä si cho..) u hei drum e chli Müeh gha widr wäg zcho. Wiu d Sandbank het üs komischerwis umschlosse gha...Zunge raus
schlussändlech hei mir de no dr Sunneungergang am river gluegt u si när z zwöit no öppis chlises ga esse. Wiu dert hets ganz viu härzigi u nid au zuu türi Restaurants gha.Wie dir merket isch ds eich es zimli perfect weekend gsiLachend
schöni Wuche wünsche i öich us down under

sunset at gympie tcesunsetthe sun is getting downboat crew nr 1.boat cruiseboat cruiseboat driver 1 ;-)

not my week

Samstag, 20.04.2013

ändlech isch zguete wetter zrüg u warm isches ou widr. so gluschtets eim eifach sinis ganzy zyt ar beach zvrbringe. leider isches abr irgendwie nid mini bestimmig gsi... aues i auem ehr e doofi wuche
abr iz mau vo afang ah.. Mändinami si mir (wär häts erwartetad^^) sunshine beach gange. am Abe het sech när bi mir zerschte Problem igsteut. nei ke sunnebrand. i bi ghackt worde u bi vor federal police beschudigt worde illegali site zbsueche u hät müesse 100000 dollar zahle odr i müess iz Gfängniss. I wo vo hacke, vire ect nüt vrstah ha zimli im rote afah träie..  zum Glück si när dr sandro u dr Laurent vrbi cho u hei mi chli chönne beruhige u mir sägä ds ds ääuä nid ächt sig sondern äbä ä virus. bi när am zisti haut glich no zur Polizei wiu i o ha weue wüsse öb ds no angeri fäu hie gäb ect. i bi abr hie ir Umgäbig ehr e Usnahm gsi. D Polizei isch ächt zimlech lieb gsi u si hei mir vrsueche zhäufe u luege wägä de bankkontene u so. Dr Laptop het nüm funktioniert u drum ha i ne müesse id Reperatur gä... wenigstens hei si mir iz dert chönne sägä ds si zu 99% keni persöndleche Date hei klauet. ds isch no guet z wüsse.
wo ds aus e chli klärt isch gsi hets mi natürlech widr zur Beach zoge.. mir hei zwar gwüsst ds es Gwitter chunnt abr i ha haut glich weue ga. Isch ou ächt e gueti Idee gsi. Isch e u spezieui Stimmig gsi u me hets rund um geng ghäre Donnere. Wos de het afah regne si mir under z Lifeguard hüsli gstande u hei ds ganze chli beobachtet. Wos ufghört het mit rägne si när 2!!! Regeböge uftoucht. Isch ächt mega schön gsi.Lächelnd
Am Mittwuch si mir widr ad Sunshine beach u dr Kolleg het vo sire Gastfamilie chönne es Surfboard uslehne. D SB isch zwar eig für di Fortgschrittnige abr da mir zum angere 50min hät müesse loufe hei mir gfunde mir vrsuechis hie.Lachend Di erscht haub Stung isch eig aues ok gsi o we mir wägä de zgrosse wäue nid richtig hei chönne surfe... När ischs äbä passiert. Es si 2 wäue ufenang praut u ds isch natürlech gd den gsi we i se ha vrsuecht zritte. Shet mir när z Board ufe Chopf u i Nacke gschlage. DFoug drvo... i ha e chlini Hirnerschütterig. So e seich!Weinend

Ha när trotzdäm vrsuecht am Do id Schuh zga abr sisch e schlächti Idee gsi u d Lehrere het mi nid weue ha u mi gd zum Dokter gschickt. Ds isch wortwörtlech e Guru gsi u für gar nüt. Er het feschtgsteut ds i Chopfweh ha u im Nacke schmärze u s mir sturm isch (aus hät i ds aues nid säuber gwüsst) u het gfunde we i weu abkläre öb aues OK isch söu i ids Spitau. U für di Prognose het dä de ou no 80dollar gheuschet. Isch doch e Frächheit.Brüllend
Ha när am Friti abr gfunde i näms iz chli ruhiger u häb mi stiu u bi drum när eig dr ganz Tag im Bett, am Strand odr am Pool gläge. LachendHet guet tah u es geit mir scho viiiiiiiiiiiu besser. Drum bi i när gestr Abe ou no churz az BBQ.

So u iz isch Wuchenänd u super Wetter. Drum sägä i mau byebye wiu dr Strand rüeftZwinkernd

 

Fotos fouge später...

welcome to noosa

Sonntag, 14.04.2013

hüt isch Sunnti u zWetter isch ändlech widr mau schön u es gluschtet eim so richtig a Strand zga. ds hei mir när ou gmachtLächelnd dr Laurent isch gestr glandet u so ha i ihm mini nöi Heimat chönne zeigeZwinkerndi gloubs o ihn het Noosa ume Finger gwicklet^^
mir si ad main beach gange u hei dert chli relaxt,im Meer badet u blödeletLachend isch schön gsi ändlech mau widr chli ga z sünnele... am Abe bi i echt soooo müed gsi dsi sogar fasch wärendem choche bi igschlafe
hoffe zWetter blibt witerhin so guet..

main beach ;-)

wet saturday

Samstag, 13.04.2013

today was the best idea to stay at home.. äs het widrmau us ströme gschütet. leider hei die hei so komischi prepaidabos wo nachem ne monet abloufe. drum ha i dür dä rege 1 stung lang mitem velo müesse fahre... Mini hose si scho nach2 min völlig dürnässt gsi u a nach 20min ha i so viu Wasser i mine Schueh gha ds o ha gmeint i sig am schwümme... isch zimlech grusig gsi. u när bim Rückwäg ha i dänkt i näm dr Veloweg so ds mi dOutos nid o no asprütze... drfür ha i mi när vrfahre^^ (so si när 1stung 30drus worde) nid so e gueti idee gsi. So bi i schliesslech 2h später völlig druchnässt (mini Schueh si no 8h später trotz Usstopfe mit Zitig plotsch nass..u leider hets ou aui Fötelis u Chärtli im Portemonaie ufgweicht so ds uf de meiste iz nüm viu zerkenne isch...Stirnrunzelnd). Irgendwie het dö wet day kes Ändi weue nä so ds schlussändlech d Wöschmaschine überschume het..so ds dr ganz Bode vou Schum u Wasser isch gsi... Eh ja het sech iz aber zum Glück no zum bessere gwändet. Ha ändlech mau widr e Turte bache u när am Abe no es paar Kollege zum Znacht ghaLächelnd

sturmfrei isch doch eich zbeste:-)

Samstag, 13.04.2013

so die wuche isch eich super gsi wiu mini familie isch für ei wuche nach melburn gange. so schön stiu u entspannend isches hie auso no nie gsi.U i ha ändlech widr mau chli dörfe säuer choche.Lachend Ds heisst bevr me isst schmöckts nach Chuchi u nid wi süsch hie just im Microwave ufwärme.. u so viu spass wie die wuche hets hie im Hus süsch ou no nid gä. Zwinkerndam mittwuch hei mir hei kochet umir heis auso standbracht Spise u 4ne Länder zha. isch sehr fein u lustig gsi. Koreanisches Ris mir irgendöppisem;-),koreanischi Omelete, Japanischi Missou suppe, Nudelsalad us Dütschland u es Dessert us dr Schwiz. Mues zwar leider zuegä ds des nid so klappet het wis hät söue. Isch no so schwirig mit angerne Zuetate. Am Donnstimiitag hei d Hansol u i beschlosse gha a Strand zga da zerscht mau sit ca eire Wuche wird zSunne gschune het. Ds ganze isch jedoch nur vo churzer Fröid gsi, das scho ufm Weg zum Strand widr het afa schiffe. Het jedoch nach 10min widr ufghört so ds mir gfunde hei mir gäng glich. Wo mir när am Strand si gsi isches de zrechtes cho. Drum si mir när zu mir ga e Fium luege.Zunge raus Am Friti hei mir eig nomau weue zämä choche abr das gege Abe troche isch worde hei mir när beschlosse lieber az BBQ zga. Ds isch ou geng funny.Lachend Ehja u ws hei mir ächt hüt Abe gmacht? Nid öppe gchochet?^^ Eh mou klar doch! Pasta a la Japanese. Isch fein gsi. U es isch echt lustig dsese bide Japaner geng ou no e Suppe git. Das zimlech grägnet het hei es paar zimlech churzfristig abgseit u so hei mir viiiiiiiu zviu zässe gha. Drbi wärs wüürklech guet gsi. D Sauce isch us Tomate, Champignons, Crevete, Aubergine ect, bestande. Zmeiste drvo hät i dehei nid gd freiwiuig gässe abr us Höflechkeint vrsuecht me hie geng vo auem zässe. U es isch auso gar nid so schlächt gsiZwinkernd U zum Dessert hets de no e Schoggichueche gä. Ganz nach mim Gschmack.Lächelnd
Sisch ächt super we me zHus so für sich allei het de chame geng Lüt ilade, zämä choche u nä när ou no es Bett odr min e Chouch abiete. I wünscht si chämte iz nid scho hei... Eh ja drfür wird vilich zWetter gli besser?Lachend

4country dinner4 country dinner with a lot of funSaturday evening cookingjapanese spagetti with knoblibrot, salat and chocolatcake;-) how wundreful

Week 3 - 1.Kontakt mit dr oustralische Tierwäut

Sonntag, 07.04.2013

hi togetherLächelnd
How are you? bi mir sisch aues ok u i bi fit u zwäg. Letscht Wuche isch eigentlech nid so viu bsundrigs los gsi u wegem "schlächte Wetter" ( hüfig bewökt odr Regeu nur no so um di 20 Grad) hei mir o am Abe nid so viu chönne ungernäh. Am Mittwuch hätte mir eigentlech nomau weue ga surfe abr es het leider nid gnue grosi Wäue gha. Drfür isch zWuchenänd när chli besser worde. ZwinkerndNid umbedingt Wetter mässig abr drfür vom Programm. Am Friti hei mir wird üses BBQ im Lion Park gha. Wo mir dert si acho si mir zwöi öppe di einzige Europäer gsi. Shet no e Spaniere u e Italiener u e angere Schwizer gha. Dr räscht si aus Koreaner gsi. Abr di si auso no zimlech lustig o we si erlech gseits zoustralische Bier nid so guet vrtrage. Zunge raus A däm Abe ha i de o mis erschte tierische Erlebniss gha. Plötzlech isch es Modi schreiend cho zloufe u mir hei de ou zimli gli usegfunde wiso. Dert isch e riiiiise Spinnele im Grass gsi. Durchmesser vo ca 13cm u d Höchi vo de Bei min 7cm.Stirnrunzelnd Isch echt u gruusig gsi u i bi ömu mega froh gsi ds mir mitm Outo dert si gsi so ds i nid no e 35min dür Dunkuheit ha müesse fahre.
Am Samsti si mir när ufe Eumundie Market gange. Dä isch mitem Bus ca 30min entfernt u ächt riisig!Lachend Hei dert när trotz em liechte Rege 7h vrbracht. Nid ganz freiwiuig abr mir hei scho öppis gfunde wie mir üs d Zyt hei chönne vrtribe. Dert hets vo Kunscht, Schmuck, Gallerie, Chleiderständ abr ou ganz schöni Frücht u Gmüessständ eifach aues gä. U uf däm Märit het mes sogar vrmöge Frücht zchoufe. (und no es Kanellbullar..mues zwar sägä damit hätti gschider bis Schwede gwartet).Zwinkernd U im Dorf ou no e schöne aute Büecherlade. Dert ha i mir nör ou gad es 1000 Sitigs englishes Buech kouft. Anna Karenina vom Tolstoy. Da ha i iz ömu öppis ztüe^^
Am Samstiabe hei mir när o e Fiumabe gmacht. Abr i vrhaute mi hie genau glich wie bi de Ittiger Fiumnächt... bi bim zwöite igschlafe u wo i erwachet bi ha i eich mau munter uf bärndütsch afah rede wiu i nid gmerkt ha wo i bi. Isch mr abr de scho ufgfaue wo mi di angere zimli vrständnisslos agluegt hei.Zunge raus
Am Sunnti ha i mi uf Koalapirsch begä.Zwinkernd Hie im NP söts ja eig ganz viu ha. I bi de 2h dürä Waud gange für ändlech mi erscht Koala zgseh. Abr wies haut so isch findet mes nid dert wo me suecht. Drum bi i när im Informationszenter ga frage u di hei mir gseit ds momentan gad eine im ne Boum ir Hastings Street ( Nobuichoufsstrass vo Noosa) hocket. Bi de dert häre abr ha ne nid gfunde u drum de dert im Infozenter gfragt. Lady from the Information: Ok over there is a Koala ah and in this tree on the opposite side of the street you can see a phyton. Mi chinlad isch natürlech gd e chli abe u i ha dönkt i heig se nid richtig vrstande, wiu i ha nid gwüsst ga dses da Phytons git. U vorauem i ha vorane i däm Boum nachem Koala gsuecht gha. Schluss ändlech ha i de beidi gseh.Lachend U de Fotos wärdet dir abr äbä nid so viu gseh wiu si sech beidi zimlech guet vrsteckt hei. i ha de no chli mit dere Lady gret gha u die het mir no vrzeut ds d Phyton am Tag vorane in front of the information center an apossum attakiert u gfrässe het u ds het me auso no i irem Körper chönne erkenne.
Ha de mt mim Bike no chli Noosa erkundet u no ganz viu schöni Plätzli gfunde am Fluss u ou mini erschte Pelikän us der Nöchi.Zunge raus
Am abe hei mir när no im ne Studentehuus es risotto milanese chochet u gässe. Ds isch eifach super gsi! Widr mau z choche u vorauem mau chli öppis angers zässe isch eifach fantastisch gsi.Lachend

Wünsche öich e ganz e gueti Wuchewer findet den Koala?Was ist dort um den Ast gewickelt?Noosa river,Pelikane, Koala, Noosa Ville

Brisbane

Montag, 01.04.2013

Dr Usflugg nach Brisbane isch e gueti Idee gsi.Lächelnd Nur het zWetter leider nid so mitgspiut. Am Sunnti heimir zersch vrschideni Sehenswürdigkeite wi z’Casino, d Main hall, ds Parlament ect. agluet u si när i Botanisch Garte. Dä isch echt schön gsi u i ha ändlech e grosse Geko (vll nennt mes o scho Echse) u ganz viu Ibis gseh. Mir gfaue die Vögu.Lachend När si mir übere Fluss richtig Southbank. Leider hets de afah regne. Da mir e positivi Istellig em Wetter gägänüber hei gha hei natrülech nur 2 vo üs e Regeschrim gha. Mir si när am Fluss nah düre Park ir Southbank zrüg gloffe richtig YHA. U när het ds afa schiffe.So öppis ha i auso scho lang nüm gseh gha. Innert ere Minute isch me pflotschnass gsi. Da mir no ministens e haub Stung hättä müesse loufe hei mir üs när für nes früechs Znacht entschide. Das immer no heftiger isch worde, us richtig Bindfädä grägnet het u ono het afah Gwittere si mir zimlech fluchtartig ines Chinesisches Restaurant gflüchtet. Zesse isch zwar guet gsi abr exrem tür. Mir hei üs z4 när 2Spise teilt u när öpps so viu zaut wie me süsch im ne normale asiatische restaurant für 4 zaut. Wiu hie in Australie gits immer no e Holidayzueschlag we si Ferie hei. U dä cha variere zwüsche 15-50%. Auso we dir mau e Trip nach Down under planet: göt wen müglech nid wärend irne Ferie. Einersits gits überau dä Zueschlag u angersits si o viu Sache gschlosse (ömu a de Fiirtäg). Nachem Esse si mir dür ca. 5cm höchs Wasser zrüg richtig YHA gwatet. (Hüt ha i när erfahre ds wes in Brisbane regnet de richtig u es chönn guet o zu Überschwemmige cho. I vrstah auso bestens warum!).
Hüt hei mir när no bi am 2 Zyt gha dStadt witerzerkunde. Da i mi wis schint langsam a Rhythmus vor Familie gwöhne (ufstah zwüsche 5 u 6) bi i haut ou hüt scho um die Zy ufgwachet u drum uf eigeti Fuscht dWest End ga erkunde. Ds isch es Bohemien Quartier mit anschinend viune schöne Hüsli u Cafe. Mir hets nid so gfaue u viu isch natürlech o no nid los gsi um di haubi 8ti am ne freie Tag. Drum bi i när nomau chli düre Park vor Southbank gschländeret u ha mir es u feins Zmorge gönnt. ZwinkerndFrüschi Waffle u nes Chai Latte. Isch echt lecker gsi!Zunge raus Ohni Rege isch dSouthbank wük sehr schön. Ou di künstlechi Laguune het ire Reiz. Am 10ni ha i mi när mit de angere troffe u mir Girls hei natürlech chli müesse ga lädälä, wiu hie in Noosa isch ds nid so müglech. Am Mittag si mir nomau id Southbank ga Zmittag esse u dr Taehee u d Hansol si no uf zRiserad gange. Ds isch ca. 80m höch u me het e super Ussicht uf d Stadt. När isches de o scho widre Zyt gsi für hei zga.
Auso aues i auem het mir Brisbane für ne Grossstadt sehr guet gfaue. Bsunders natürlech dr Park ir Southbank. Ds wegem Wetter isch chli scha gsi abr so si mir am Abe wenigstens zum ne Biberbande spile cho.Zwinkernd Ds geit ab iz def. aus es internationaus Spiu düre. Sogar Koreaner u ne Japanere finges lustig!Lachend
Hoffe dir heit schöni Ostere gha u d Osternäschtli trotz dem Schnee gfunde!

Beach and Skyline befor the heavy rainLagoon in Southbank, Skyline from Brisbane, Parkalag ir Southbankbotanischer Garte, Main Hall, Ibis,Kirche,Geko, mis erste Känguru, Casino

Grossmueti i däm Park hets e Wandugang us Boganvilie gha (ja i weiss nid wie me ds schribt^^) isch super schön gsi! ds hät dir ou sehr guet gfaue!

Ostere

Sonntag, 31.03.2013

i wünsche öich ganz e gueti Ostere u hoffe ds dr Osterhas trotzem Schnee vrbii chunnt. i ha ihm aus
Gschänkli nämlech wärmi u sunne mitgäZwinkernd

Uf de Biudli gseht dir no wie d Ostere bi mir us gseehtLachend dank tatkräftiger Ungerstützig vor mire reis ha i hüt (resp ersch morn abr de chönt me Zimmer ja nüm osterlech dekoriere) 2 päckli dörfe uftueLächelnd u so gseht iz mis zimmer doch schön osterlech us. Hie in Oustralie het me zwar ou Schoggihase (sogar di gliche vo Lindt) abr süsch isch da so zimlech aues angers. äbä haut down under. s git kes ostereier tüpfe u ke züpfe (isch ja no nachvouziebar), ke osterflade ect. drfür het me hie leckeri hot cross buns u bastlet hüetLachend
wünsche öich aune ganz e gueti zyt
liebs grüessli

my easter dekoration (swiss made)easter bunny

Auf dieser Seite werden lediglich die 20 neuesten Blogeinträge angezeigt. Ältere Einträge können über das Archiv auf der rechten Seite dieses Blogs aufgerufen werden.